"İnter" klubu Avroliqanın II təsnifat mərhələsinin "Elfsborq"la cavab matçının hakim idarəçiliyi ilə bağlı UEFA-ya şikayət edib.
Qol.Az saytına bu barədə klubun mətbuat xidmətindən məlumat verilib.
Bolqarıstanlı hakim Stanislav Todorov matçın 3-cü dəqiqəsində "İnter"in müdafiəçisi Laşa Salukvadzeyə qırmızı vərəqə göstərib və komandamızın qapısına penalti təyin edib. "İnter" isə hakimin qırmızı vərəqə qərarı ilə razılaşmadığı üçün UEFA-ya şikayət ərizəsi göndərib və görüşün baş hakiminin cəzalandırılmasını tələb edib.
Xatırladaq ki, rəqibinə penaltilər seriyasında uduzan (3:4) "İnter" Avroliqada mübarizəni dayandırıb.