Türkiyənin Manisa vilayəti ərazisində dəhşətli yol qəzası baş verib.
APA-nın “Milliyet”ə istinadən verdiyi xəbərə görə, bu gün səhər yerli vaxtla saat 05.30-da Manisanın Gölmarmara rayonunun Hacivəlilər kəndi yaxınlığında kənd təsərrüfatı işçilərini daşıyan və yük yeri açıq olan yük avtomobili TIR-la toqquşub.
Nəticədə 15 nəfər ölüb, 2 nəfər yaralanıb. Ölənlərin əksəriyyəti qadınlardır.
Hadisə yerinə təcili yardım və cənazə daşıyan maşınlar göndərilib.
Faktla bağlı araşdırma aparılır.