525.Az

I Avropa Oyunlarında iştirak etmək üçün Azərbaycana 28 mindən çox əcnəbi gəlib


 

I Avropa Oyunlarında iştirak etmək üçün Azərbaycana 28 mindən çox əcnəbi gəlib<b style="color:red"></b> Azərbaycan prezidentinin “I Avropa Oyunlarının keçirilməsi ilə əlaqədar bəzi tədbirlər haqqında” 8 avqust 2014-cü il tarixli sərəncamının tələblərinə əsasən Azərbaycan Xarici İşlər Nazirliyinin üzərinə düşən vəzifələrin, xüsusilə konsulluq və viza təminatı məsələlərinin icrası üçün zəruri tədbirlər görülüb.
 
Azərbaycan Xarici İşlər Nazirliyinin mətbuat xidmətindən APA-ya verilən məlumata görə, Oyunlarda iştirak etmək üçün ölkəmizə səfər etmiş əcnəbilərin sayı 28 mindən artıq olub.
 
I Avropa Oyunlarında tamaşaçı qismində iştirak etmək üçün ölkəmizə səfər etmiş əcnəbi vətəndaşlara bilet və ya biletin alınmasını təsdiq edən sənəd əsasında Oyunların açılışına 10 gün qalmışdan başlayaraq 2-28 iyun tarixlərində Xarici İşlər Nazirliyinin Konsulluq İdarəsi tərəfindən operativ qaydada viza rəsmiləşdirilməsi həyata keçirilib.
 
Avropa Oyunlarında tamaşaçı qismində iştirak etmək üçün bilet alan əcnəbilər sırasında Rusiya, Böyük Britaniya və Şimali İrlandiya Krallığı, Almaniya, Hollandiya, İtaliya, İsveçrə, İspaniya, ABŞ və Birləşmiş Ərəb Əmirlikləri vətəndaşları üstünlük təşkil ediblər.
 




01.07.2015    çap et  çap et