525.Az
Xırdalan dairəsindəki tunelin bağlı olan hissəsi təmirdən sonra açılıb
![Xırdalan dairəsindəki tunelin bağlı olan hissəsi təmirdən sonra açılıb<b style="color:red"></b>]()
Bakı-Quba-Rusiya Federasiyası sərhədi avtomobil yolunun 11-ci kilometrliyində yerləşən avtomobil tunelinin bir hissəsində aparılan təmir-tikinti işləri yekunlaşıb.
Nəqliyyat Nazirliyi “Azəryolservis” ASC-dən “APA-Economics”ə verilən məlumata görə, bu gün səhər saatlarından etibarən təmir işləri ilə əlaqədar bağlı olan yol yenidən sürücülərin ixtiyarına verilib.
ASC tərəfindən I Avropa Oyunları öncəsi nəqliyyat vasitələrinin rahat və maneəsiz hərəkətini təmin etmək məqsədilə paytaxtın bəzi küçə və prospektlərində təmir-tikinti işləri çərçivəsində Xırdalan dairəsindəki avtomobil tunelinin yalnız Sumqayıt şəhəri istiqamətində olan hissəsi təmir olunub. Təmir işləri zamanı tunelin 5 min kvadrat metr sahəsində asfalt-beton örtüyü tam olaraq yenilənib. Yolun təmir olunan hissəsinin uzunluğu 520 metr, eni isə 5 metrdir.
Tunelin digər hərəkət hissəsinin təmiri işləri isə növbəti istirahət günü həyata keçiriləcək.
“Azəryolservis” ASC paytaxtın bəzi küçə və prospektlərində təmir işləri ilə əlaqədar yaranan müvəqqəti narahatlığa görə sürücülərdən üzr istəyir və görülən işlərə anlayışla yanaşmalarını xahiş edir.
25.05.2015 
çap et