Sadıq Sadıqova yeni vəzifə verildi

"Neftçi"nin prezidenti vəzifəsindən uzaqlaşdırılan Sadıq Sadıqova klubda yeni vəzifə verilib.

Qol.Az-ın məlumatına görə, Müşahidə Şurasının üzvləri sırasında yer alacaq S.Sadıqov həm də "Neftçi" İdman Klubu İctimai Birliyinin İdarəetmə Aparatının rəhbəri vəzifəsini icra edəcək.

"Neftçi"nin Müşahidə Şurasında Sadıq Sadıqovla yanaşı, sədr Çingiz Abdullayev, veteran futbolçular Mübariz Zeynalov və Səmədağa Qurbanov, SOCAR-ın vitse-prezidentinin müavini Cəbrayıl Cəbrayılov, SOCAR-ın sərmayələr idarəsininin rəis müavini Zaur Qəhrəmanov və aktyor Bəhram Bağırzadə də yer alıb.