"Məhz indiki mərhələ - islahatlar, demokratiyanın inkişafı üçün ölkədə partiyaların sayının çox olması normal bir haldır".
Bunu mətbuata açıqlamasında Milli Məclisin (MM) Hüquq siyasəti və dövlət quruculuğu komitəsinin sədri Əli Hüseynli dilə gətirib.
"Ona görə yaxın müddətdə yox, gələcək mərhələdə yalnız bu məsələ-partiyaların mərkəzləmşməsi, onların sayının azalması mümkün ola bilər". Komitə sədrinin sözlərinə görə, digər ölkələr də məhz bu proseslərdən keçərək bugünkü vəziyyətə çatıblar.
"Yəni, onlarda insanlar həqiqətən də siyasətdən doyublar və baxımdan da, zamanında partiyaların mərkəzləşməsi prosesi gedib. Bizdə isə müşahidələr bəzən onu göstərir ki, əhalimiz hələ də siyasi maraqları daha çox saxlayırlar. Amma mənim təsəvvürümdə siyasətlə çox az sayda insanlar məşğul olmalıdır. Insanları daha çox iqtisadiyyat maraqlandırmalıdır".
Kamil HƏMZƏOĞLU