FİFA milli komandaların yeni reytinq cədvəlini açıqlayıb.
Qol.Az-ın qurumun saytına istinadən yaydığı xəbərə görə, Azərbaycan millisi 31 pillə geriləyib.
"Avro-2016"nın seçmə mərhələsində İtaliyaya 1:2, Xorvatiyaya isə 0:6 hesabı ilə uduzan komandamız 126-cı pillədə qərarlaşıb.
"Avro-2016"dakı rəqiblərimizə gəlincə ən yaxşı göstərici yenə də İtaliya millisinə məxsusdur. "Skuadro Adzuro" iki pillə irəliləyərək 11-ci yerə yüksəlib.
Digər rəqiblərimizdən Xorvatiya isə 5 pillə irəliləyərək 14-cü olub. Norveç (+8) 68-ci, Bolqarıstan (-13) 59-cu və Malta isə (-1) 156-cı pillədə qərarlaşıb.
Siyahıya "DÇ-2014"ün qalibi Almaniya millisi başçılıq edir. Mundialın gümüş mükafatçısı Argentina yığması ikinci, Kolumbiya isə üçüncü olub.
çap et