AŞPA-da Azərbaycan üzrə həmməruzəçilərin hesabatı dinləniləcək

Sentyabrın 3-də Parisdə Avropa Şurası Parlament Assambleyası (AŞPA) Monitorinq Komitəsinin iclası keçiriləcək.

APA-nın AŞPA-nın mətbuat xidmətinə istinadən verdiyi xəbərə görə, iclasda Azərbaycan üzrə həmməruzəçilər Jozef Debono Qrex və Pedro Aqramunt da iştirak edəcək.
 
Toplantıda həmməruzəçilərin 19-21 may tarixlərində Bakıya faktaraşdırıcı səfərlərinin yekunları əsasında təqdim etdikləri informasiyalar nəzərdən keçiriləcək.