“Qarabağ” bu gün Çempionlar Liqasında “Zalsburq”a (Avstriya) qarşı keçiriləcək oyunda azarkeşlərdən güclü dəstək gözləyir.
Qol.Az saytının müxbiri ilə söhbətində klubun direktoru Əmrah Çəlikəl “Qarabağ”sevərləri bu gün stadionunun tribunalarını doldurmağa çağırıb.
“Biz bugünə qədər uğurlarımızı həm də azarkeşlərimizin dəstəyi ilə qazanmışıq. İnanıram ki, bu gün də belə olacaq. Biz “Zalsburq”la oyunda birliyimizi bütün Avropaya sübut etməliyik.
Ona görə də azarkeşlərimiz bugünkü oyunda doxsan dəqiqə matç izləməməlidir, “Qarabağ”ımıza sonadək dəstək olmalıdır. Biz Tofiq Bəhramov adına Respublika stadionunda belə bir atmosferi gözləyirik. Komandamıza inanın. İnanmaq uğurun yarısıdır” - deyə Əmrah Çəlikəl qeyd edib.
Xatırladaq ki, “Qarabağ” – “Zalsburq” oyunu bu gün saat 20.30-da başlanacaq.
çap et