"Barselona"nın uğurlu seriyasına son qoyulub.
Qol.Az-ın İspaniya mətbuatına istinadən yaydığı xəbərə görə, cari mövsümdə oynadığı bütün matçlarda uduzmayan Kataloniya təmsilçisi dünən ilk məğlubiyyətini alıb. "Barsa" Çempionlar Liqasının qrup mərhələsinin ikinci turunda PSJ-ə səfərdə 2:3 hesabı ilə uduzub.
"Barselona" həmçinin cari mövsümdə ilk dəfə olaraq qapısını toxunulmaz saxlaya bilməyib. PSJ-nin futbolçusu David Luis matçın 10-cü dəqiqəsində fərqlənib.
Qeyd edək ki, "Barsa" bundan əvvəl İspaniya La Liqasında 5 matçda qalib gəlib, 1-də bərabərə qalıb. ÇL-də isə qrup mərhələsinin ilk turunda qələbə qazanıb.