Bakıda mənzildən külli miqdarda qızıl və pul oğurlanıb.
Lent.az-ın məlumatına görə, Binəqədi sakini Mehdiyev Arif Novruz oğlu bir neçə gün əvvəl polis idarəsinə müraciət edərək bildirib ki, evdən 100 min manat dəyəri olan qızıl-zinət əşyaları və 60 min manat nəğd pul naməlum şəxs və ya şəxslər tərəfindən oğurlanıb.
Şikayətçi qeyd edib ki, hadisə Ə.Əliyev küçəsi döngə 2, mənzil 3 ünvanında baş verib. Evdə kimsənin olmadığı vaxt oğrular plastik pəncərəni sındıraraq mənzilə soxulublar.
Faktla bağlı cinayət işi açılıb, əməliyyat-axtarış tədbirləri həyata keçirilir.